தமிழ் சினிமாவில் முன்னணி நடிகராக வலம் வருபவர் நடிகர் விஜய். இவர் தற்போது இயக்குனர் வெங்கட் பிரபு இயக்கத்தில் தனது 68 வது படமான கோட் படத்தில் நடித்து வருகிறார். ஏஜிஎஸ் நிறுவனம் தயாரிக்கும் இந்த படத்திற்கான போஸ்ட் ப்ரொடக்ஷன் வேலைகள் தற்போது நடைபெற்று வருகிறது. இவர் பட வேலைகளுக்கு நடுவில் தமிழக வெற்றிக் கழகத்தின் மக்கள் நலப் பணிகளில் பிஸியாக இருக்கிறார்.
இதனைத் தொடர்ந்து நடிகர் விஜய் சினிமாவின் உச்சத்தில் இருக்கும்போதே இனிமேல் நடிக்க வேண்டாம். மக்களுக்கு நல்லது செய்ய வேண்டும் என அரசியலுக்கு வருவது மிகப்பெரிய விஷயம். இதை எத்தனை பேர் செய்வார்கள். மேலும், இவர் அரசியலில் வெற்றி அடைய வேண்டும் என விரும்புவதாக கீர்த்தி சுரேஷ் கூறியுள்ளார். ”கட்சி பெயர் நன்றாக இருக்கிறது எனவும் தேர்தலில் போட்டியிட எனக்கு ஒரு சீட் கொடுங்க” என கூறிவிட்டு வந்ததாக கீர்த்தி சுரேஷ் கூறியதாக தகவல் வெளியாகியுள்ளது.
