அடேங்கப்பா! “கோட்” ரிலீசுக்கு முன்பே கோடிகளில் லாபம் பார்த்த தயாரிப்பாளர்… இத்தனை கோடியா?

இயக்குனர் வெங்கட் பிரபு இயக்கத்தில் நடிகர் விஜய் நடிப்பில் தற்போது உருவாகியுள்ள திரைப்படம் “கோட்”. யுவன் சங்கர் ராஜா இசையமைக்கும் இந்த படத்தில் பிரசாந்த், பிரபுதேவா, மீனாட்சி சவுத்ரி மற்றும் பலர் முக்கிய கதாபாத்திரத்தில் நடித்துள்ளனர். இந்த படத்தின் படப்பிடிப்புகள் நிறைவடைந்து தற்போது பின்னணி வேலைகள் நடைபெற்று வருகிறது.

இந்த படத்தில் இருந்து வெளியான மூன்று பாடல்கள் கலவையான விமர்சனங்களை பெற்றது. வருகிற செப்டம்பர் 5ஆம் தேதி ரிலீசாகும் இந்த படத்தின் டிரைலர் சமீபத்தில் வெளியானது. இந்நிலையில், 333 கோடி பட்ஜெட்டில் உருவாகியுள்ள இந்த படம் ரிலீசுக்கு முன்பே 416 கோடிக்கு பிசினஸ் செய்துள்ளனர் என தகவல் வெளியாகியுள்ளது. படம் ரிலீசுக்கு முன்பே தயாரிப்பாளருக்கு 83 கோடி வரை லாபம் கிடைத்துள்ளது என மூத்த பத்திரிகையாளர் கூறியுள்ளார்.