சின்னத்திரையில் ஒளிபரப்பான மிகவும் பிரபலமான நிகழ்ச்சிகளில் ஒன்று விஜய் டிவியில் ஒளிபரப்பான ”பிக்பாஸ்”. இந்த நிகழ்ச்சியின் முதல் சீசன் கொடுத்த வெற்றியை தொடர்ந்து அடுத்தடுத்த சீசன்கள் ஒளிபரப்பாகி மக்கள் மத்தியில் நல்ல வரவேற்பு பெற்றது. தொடர்ந்து விரைவில் பிக்பாஸ் எட்டாவது சீசன் ஒளிபரப்பாக உள்ளது.
இந்நிலையில், இந்த சீசனில் சினிமா பணிகள் காரணமாக என்னால் தொகுத்து வழங்க முடியவில்லை என கமல்ஹாசன் சமீபத்தில் அறிக்கை வெளியிட்டார். பிக்பாஸ் சீசன் 8ன் அடுத்த தொகுப்பாளர் யார் என ரசிகர்கள் மத்தியில் கேள்வி எழுந்துள்ளது.
இதனை தொடர்ந்து நடிகர் சிவகார்த்திகேயன், விஜய் சேதுபதி, நயன்தாரா ஆகியோரிடம் பிக்பாஸ் குழுவினர் பேச்சுவார்த்தை செய்து வருவதாக தகவல் வெளியானது. இந்நிலையில், இந்த நிகழ்ச்சியை நடிகர் விஜய் சேதுபதி தொகுத்து வழங்க கமிட்டாகி இருப்பதாக சூப்பரான தகவல் வெளியாகியுள்ளது. மேலும், இந்த சீசனின் ப்ரோமோ இன்று தொடங்க இருப்பதாகவும் கூறப்படுகிறது.
