உலக செய்திகள் செய்திகள் ஒலிம்பிக் போட்டி…வினேஷ் போகத் தகுதி நீக்கம்…!!! Sathya Deva7 August 2024022 views ஒலிம்பிக் போட்டி தொடர் பிரான்ஸ் தலைநகர் பாரீசில் நடைபெற்று வருகிறது. இதில் இந்தியா இதுவரை மூன்று வெண்கல பதக்கங்களை வென்று பதக்க பட்டியலில் 63வது இடத்தில் உள்ளது. இந்தப் போட்டியில் நேற்று இரவு நடைபெற்ற மல்யுத்தம் பெண்கள் 50 கிலோ எடை பிரிவுக்கான அரையிறுதிப் போட்டி நடைபெற்றது. அதில் இந்தியா வீராங்கனை வினேஷ் போகத், கியூபா வீராங்கனை யூஸ்னிலிஸ் குஸ்மான் லேபான் இருவரும் மோதினார்கள். இந்தப் போட்டியில் இந்திய வீராங்கனை வினேஷ் போகத் கியூபா வீராங்கனை குஸ்மானை 5-0 என்ற புள்ளி கணக்கில் வீழ்த்தி அபார வெற்றி பெற்றார். இந்த வெற்றியின் மூலம் வினேஷ் போகத் இறுதிப் போட்டிக்கு முன்னேறினார். இறுதிப் போட்டியில் இந்திய வீராங்கனை வினேஷ் போகத் அமெரிக்காவை சேர்ந்த ஹில்டெப்ரண்ட்- ஐ எதிர் கொள்ள இருந்தார். இந்த நிலையில் வினேஷ் போகத் உடல் எடை சில கிராம்கள் வரை கூடியிருந்ததால் அவர் தகுதி நீக்கம் செய்யப்படுவதாக அறிவிக்கப்பட்டு இருக்கிறது என கூறப்படுகிறது.