நடிகர் சூர்யா இயக்குனர் கார்த்திக் சுப்புராஜ் இயக்கத்தில் தனது 44வது திரைப்படத்தில் நடிக்கிறார். பூஜா ஹெக்டே கதாநாயகியாக நடிக்கும் இந்த படத்தை சூர்யாவின் 2d நிறுவனம் மற்றும் கார்த்திக் சுப்புராஜின் ஸ்டோன் பென்ஸ் நிறுவனங்கள் இணைந்து தயாரிக்கிறது. சந்தோஷ் நாராயணன் இசையமைக்கும் இந்த படத்தில் சூர்யா இரட்டை வேடங்களில் நடிக்க இருப்பதாக தகவல் வெளியாகி உள்ளது.
மேலும், இந்த படத்தில் கருணாகரன், ஜெயராம் மற்றும் பலர் முக்கிய கதாபாத்திரங்களில் நடிக்கின்றனர். இந்த படத்தின் படப்பிடிப்பு கடந்த ஜூன் மாதம் அந்தமானில் தொடங்கியது. சூர்யாவின் பிறந்தநாளை முன்னிட்டு இந்த படத்தின் கிலிம்ஸ் வீடியோ வெளியாகி வைரலானது. இந்நிலையில், இந்த படம் குறித்த புதிய அப்டேட் வெளியாகியுள்ளது. அதன்படி, இந்த படத்தின் அடுத்த கட்ட படப்பிடிப்பு தற்பொழுது ஊட்டியில் தொடங்கியுள்ளதாக சூப்பரான அப்டேட் வெளியாகியுள்ளது.
