தனுஷின் 50வது படம் “ராயன்” வெற்றியா? தோல்வியா? இதுவரை செய்த மொத்த வசூல்…!!!

நடிகர் தனுஷ் அவரின் 50வது படமான ”ராயன் படத்தை அவரே இயக்கி நடித்துள்ளார். இந்த படத்தில் எஸ்.ஜே. சூர்யா, செல்வராகவன், பிரகாஷ்ராஜ், காளிதாஸ் ஜெயராம், துஷாரா விஜயன் மற்றும் பல நட்சத்திர பட்டாளங்கள் நடித்துள்ளனர். கேங்ஸ்டர் கதை களத்தில் உருவாகியுள்ள இந்த திரைப்படத்திற்கு ஏ.ஆர். ரகுமான் இசையமைத்துள்ளார்.

இந்த படத்திற்கு தணிக்கை குழு ஏ சான்றிதழை வழங்கியுள்ளது. இந்நிலையில், கடந்த 26ஆம் தேதி ரிலீசான இந்த படம் ரசிகர்கள் மத்தியில் நல்ல வரவேற்பு பெற்று வருகிறது. இதனை தொடர்ந்து இந்த படம் ரிலீசான ஏழு நாட்களில் 100 கோடிக்கு மேல் வசூல் செய்து சாதனை படைத்தது.

இந்நிலையில், இந்த படம் இதுவரை செய்துள்ள வசூல் குறித்த தகவல் வெளியாகியுள்ளது. இரண்டு வாரங்களைக் கடந்து ஒளிபரப்பாகும் இந்த படம் இதுவரை 157 கோடி வசூல் செய்துள்ளதாக தகவல் வெளியாகி உள்ளது.