40
இளநிலை மருத்துவ படிப்புக்கான நீட் நுழைவு தேர்வு கடந்த மே மாதம் 5 ம் தேதி நடைபெற்றது. இந்த தேர்வில் 23 லட்சம் பேர் தேர்வை எழுதியுள்ளனர். இந்த நீட் தேர்வு நடைபெறுவதற்கு முன்னதாக பிகார் மாநிலத்தில் வினாத்தாள் கசிந்தது தெரிய வந்தது. அதேபோல் குஜராத், ராஜஸ்தான் மற்றும் மகாராஷ்டிரா உள்ளிட்ட மாநிலத்தில் ஆள்மாராட்டம் மற்றும் மோசடிகள் நடைபெற்றது தெரியவந்தது.
இது தொடர்பாக அந்தந்த மாநில போலீசார் வழக்கு பதிவு செய்து விசாரணை நடத்தி வருகின்றனர். பின்னர் சிபிஐக்கு விசாரணை மாற்றப்பட்டது. அதை தொடர்ந்து நீட் வினாத்தாள் கசிவு வழக்கில் பலரை சிபிஐ கைது செய்தது. அதில் 13 பேர் மீது தற்போது சிபிஐ குற்றப்பத்திரிக்கை தாக்கல் செய்துள்ளதாக அதிகாரிகளின் தரப்பில் தெரிவிக்கப்பட்டுள்ளது.
