‘மாரி செல்வராஜ் நமக்கு கிடைத்த பொக்கிஷம்’…” “வாழை” படத்தை பாராட்டிய பாரதிராஜா…!!!

தமிழ் சினிமாவில் பிரபல இயக்குனராக வலம் வருபவர் மாரி செல்வராஜ். இவர் பரியேறும் பெருமாள் படத்தை இயக்கியதன் மூலம் தமிழ் சினிமாவில் தனக்கென ஒரு இடத்தை பிடித்தார். இதனைதொடர்ந்து தனுஷ் நடிப்பில் வெளியான கர்ணன் திரைப்படத்தை இயக்கினார். பின்னர் உதயநிதி ஸ்டாலின் மற்றும் வடிவேலு நடித்த மாமன்னன் திரைப்படத்தை இயக்கினார்.

தற்போது. இவர் ”வாழை” என்ற படத்தை இயக்கியுள்ளார். இந்த படத்தில் கலையரசன், நிகிலா விமல், பிரியங்கா நாயர் மற்றும் பலர் நடித்துள்ளனர். இதனையடுத்து, இந்த படம் குறித்து பாரதிராஜா, ”சினிமா துறைக்கு வந்ததே புண்ணியம் என சில படங்களை பார்த்து யோசித்ததுண்டு. அந்த வகையில், இந்த படத்தை பார்த்து அப்படி யோசித்தேன். இந்த படத்தை பார்த்து பல இடங்களில் கண்ணீர் விட்டேன். மாரி செல்வராஜ் நமக்கு கிடைத்த மிகப்பெரிய பொக்கிஷம்” என இவர் வாழை படத்தை புகழ்ந்து கூறியுள்ளார்.