செய்திகள் சென்னை மாவட்ட செய்திகள் “சென்னை- டெல்லி”… 4 இண்டிகோ விமானங்கள் ரத்து… முன் அறிவிப்பு இல்லாததால் பயணிகள் அவதி…!! Revathy Anish30 June 202406 views சென்னையில் இருந்து டெல்லி இடையே இண்டிகோ ஏர்லைன்ஸின் 22 விமானங்கள் தினமும் இயக்கப்பட்டு வருகிறது. கடந்த 2 நாட்களாக டெல்லியில் சூறாவளியுடன் கனமழை பெய்து வருகிறது. இதனால் டெல்லி விமான நிலைய மேற்கூரை விழுந்து ஒருவர் உயிரிழந்த நிலையில் சிலர் காயமடைந்துள்ளனர். தற்போது மேற்கூரையை சீர் அமைக்கும் பணிகள் நடைபெற்று வருகிறது. இந்நிலையில் டெல்லியில் இருந்து சென்னைக்கு வரும் 2 விமானங்கள், சென்னையில் இருந்து டெல்லிக்கு செல்லும் 2 விமானங்கள் என 4 விமானங்கள் ரத்து செய்ப்பட்டுள்ளதாக அறிவிப்பு வெளியாகியுள்ளது. மேலும் சென்னை-டெல்லி இடையேயான 18 விமானங்கள் 30 நிமிடத்தில் இருந்து 2 மணி நேரம் வரை தாமதமாக வந்து சென்றது. இந்த அறிவிப்பு பயணிகளுக்கு முன்னதாக தெரிவிக்காததால் அவர்கள் அவதிக்குள்ளாகியுள்ளனர்.