இயக்குனர் வெங்கட் பிரபு இயக்கத்தில் நடிகர் விஜய் நடிப்பில் தற்போது உருவாகியுள்ள திரைப்படம் “கோட்”. யுவன் சங்கர் ராஜா இசையமைக்கும் இந்த படத்தில் பிரசாந்த், பிரபுதேவா, மீனாட்சி சவுத்ரி மற்றும் பலர் முக்கிய கதாபாத்திரத்தில் நடித்துள்ளனர். இந்த படத்தின் படப்பிடிப்புகள் நிறைவடைந்து தற்போது பின்னணி வேலைகள் நடைபெற்று வருகிறது.
இந்த படத்தில் இருந்து வெளியான மூன்று பாடல்கள் கலவையான விமர்சனங்களை பெற்றது. வருகிற செப்டம்பர் 5ஆம் தேதி ரிலீசாகும் இந்த படத்தின் டிரைலர் சமீபத்தில் வெளியாகி வரவேற்பை பெற்றது. இந்நிலையில், இந்த படத்திற்கு யு\ஏ சான்றிதழ் கிடைத்துள்ளது.
இந்நிலையில், 3 மணி நேரமாக இருந்த இந்த படத்தின் நேர அளவில் மாற்றம் ஏற்பட்டுள்ளது. அதன்படி, இந்த படம் தற்போது 3 மணி நேரம் 3 நிமிடங்கள் 14 நொடிகளாக மாறியுள்ளது. இந்த படத்தின் இரண்டாம் பாகத்திற்கான காட்சிகள் இருக்கும் என ரசிகர்கள் மத்தியில் எதிர்பார்க்கப்படுகிறது.
