செங்கல்பட்டு மாவட்டம் அச்சரப்பாக்கம் பெரும் போர்கண்டிகை பகுதியில் மதுபானக்கடை ஒன்று இயங்கி வருகிறது. இந்நிலையில் நேற்று இரவு அப்பகுதி சப்-இன்ஸ்பெக்டர் இளங்கோவன் தலைமையில் போலீசார் ரோந்து பணியில் ஈடுபட்டிருந்தபோது டாஸ்மாக் கடையில் இருந்து மர்மநபர்கள் சிலர் தப்பியோடியுள்ளனர். இதனைப்பார்த்த போலீசார் துரத்தி பிடிக்க முயன்றும் அந்த கும்பல் கண்ணிமைக்கும் நேரத்தில் தப்பினர்.
இதனையடுத்து போலீசார் டாஸ்மாக் கடைக்கு உள்ளே சென்று பார்த்தபோது அந்த கும்பல் கொள்ளையடிக்க வந்தது தெரியவந்தது. மேலும் அவர்கள் லாக்கரை உடைக்க முயற்சி செய்ததும், அதை உடைக்க முடியாததால் கடையில் இருந்த மதுபாட்டில்களை திருடி சென்றது உறுதியாகியுள்ளது. இதுகுறித்து வழக்குப்பதிவு செய்த அச்சரப்பாக்கம் போலீசார் அந்த கும்பல் விட்டு சென்ற 2 சட்டைகளை கைப்பற்றிய நிலையில் அங்கு பதிந்த கைரேகைகளை ஆய்வு செய்து வருகின்றனர்.
