விக்கிரவாண்டி தொகுதி… எம்.எல்.ஏ.வாக பதவியேற்ற அன்னியூர் சிவா… முதல்வர் வாழ்த்து…!!

விக்கிரவாண்டி இடைத்தேர்தலில் திமுக சார்பில் போட்டியிட்ட அன்னியூர் சிவா 69,000 வாக்குகள் வித்தியாசத்தில் வெற்றி பெற்றுள்ளார். மேலும் அவரை எதிர்த்துப் போட்டியிட்ட பாமக வேட்பாளர் 2-வது இடமும், நாம் தமிழர் கட்சி வேட்பாளர் 3-வது இடத்தை பெற்றுள்ளனர்.

இதனையடுத்து விக்கிரவாண்டி தொகுதி தேர்தல் அலுவலர் சந்திரசேகர் வெற்றி சான்றிதழை அன்னியூர் சிவாவிற்கு மாவட்ட ஆட்சியர் முன்னிலையில் வழங்கினர். இந்நிலையில் இன்று காலை 10:30 அளவில் தலைமை செயலகத்தில் வைத்து சபாநாயகர் அப்பாவு முன்னிலையில் அன்னியூர் சிவா எம்.எல்.ஏ.வாக பதவியேற்றுள்ளார். அப்போது முதல்வர் ஸ்டாலின், அமைச்சர் பொன்முடி, தொல். திருமாவளவன் உள்ளிட்டோர் உடனிருந்தனர்.